პრეზიდენტი ოპოზიციას საარჩევნო კოდექსზე მუშაობაში თანამშრომლობისკენ მოუწოდებს
(თბილისი, 30 აპრილი, 2003, სივილ ჯორჯია) – საქართველოს პრეზიდენტი ედუარდ შევარდნაძე მთავრობის დღევანდელ სხდომაზე “გაერთიანებული დემოკრატების” ლიდერის ზურაბ ჟვანიას განცხადებას გამოეხამურა, რომელმაც პრეზიდენტის მიერ წარმოდეგნილი საარჩევნო კოდექსში სესატანი ცვლილებების პროექტი დაიწუნა. პროექტის მიხედვით პრეზიდენტი ცსკო-ს 11 წევრიდან 9 თავად წარადგენს პარლამენტში დასამტკიცებლად. “უკმაყოფილება იმის გამო, რომ პრეზიდენტი ერევა კომისიის დაკომპლექტებაში, გაუგებარია. თუ სადმე ზედმეტი გავაკეთე და ეს მოსაწონი არ არის, მაშინ ამოიღეთ ეს პუნქტი და ერთობლივად ვიმსჯელოთ”, – განაცხადა მთავრობის სხდომაზე პრეზიდენტმა შევარდნაძემ. იგი ასევე პარლამენტის დეპუტატებს საარჩევნო კოდექსის დასახვეწად ერთობლივი მუშაობისკენ მოუწოდებს. მისი განცხადებით, ერთობლივად უნდა მოხდეს არჩევნების ზუსტი დღის დადგენა.
