სამთავრობო ფრაქციები კონსულტაციების გაგრძელების ინიციატივით გამოდიან

(თბილისი, 3 ივნისი , 2003, სივილ ჯორჯია) – სამთავრობო ფრაქციები ოპოზიციას ცენტრალური საარჩევნო კომისიის თაობაზე კონსულტაციების ჩატარებას სთავაზობენ.

ოპოზიციური საპარლამენტო ფრაქციები ითხოვენ არსებული ცსკო-ს დაშლის შესახებ საკითხის დაყენებას და წინააღმდეგნი არიან კონსულტაციების ჩატარებისა.

გასულ კვირას სამთავრობო ბლოკმა ხმა არ მისცა ცსკო-ს გაუქმებას.

როგორც ოპოზიციის წარმომადგენლები პარლამენტის დღევანდელ სხდომაზე აცხადებენ, 2 ივნისს სახელმწიფო მინისტრთან ავთანდილ ჯორბენაძესთან ჩატარებულმა კონსულტაციებმა შეგედი ვერ გამოიღო, ამგვარად მთავრობასთან შემდგომი მოლაპარაკებების ჩატარებას აზრი არა აქვს.

ამავდროულად, პარლამენტის შენობის წინ მიმდინარეობს ოპოზიციის მიერ ორგანიზებული საპროტესტო აქცია ცსკო-ს დაშლის მოთხოვნით.

This post is also available in: English (ინგლისური) Русский (რუსული)