ახალი ამბები
გივი თარგამაძე დეპუტატად იყრის კენჭს
(თბილისი, 22 ოქტომბერი, 2002, სივილ ჯორჯია) – ანტიკორუფციული საბჭოსა და არასამთავრობო ორგანიზაცია თავისუფლების ინსტიტუტის წევრი გივი თარგამაძე საბურთალოს რაიონში მაჟორიტარ დეპუტატად იყრის კენჭს. გივი თარგამაძის კანდიდატურა ახალმა ნაციონალურმა მოძრაობამ წარმოადგინა. გივი თარგამაძე ანტიკორუფციული საქმიანობით არის ცნობილი. მის მიერ ფაქტობრივი მასალის წარმოდგენის შემდეგ თანამდებობიდან გათავისუფლდა რამდენიმე მაღალჩინოსანი.
