ახალი ამბები
დსთ-ის საზღვრის დაცვის დეპარტამენტების შეფები ერევანში ხვდებიან
(თბილისი, 17 ოქტომბერი, 2002, სივილ ჯორჯია) – დსთ-ის ქვეყნების საზღვრის დაცვის დეპარტამენტების შეფები დღეს ერთმანეთს სომხეთის დედაქალაქში ხვდებიან. სავარაუდოდ, საქართველოს საზღვრის დაცვის დეპარტამენტის უფროსი ვალერი ჩხეიძე მის რუს კოლეგასთან ალექსანდრე ტოცკისთან ერთად რუსეთ-საქართველოს საზღვრის ერთობლივ პატრულირებაზე ხელშეკრულებას მოაწერს ხელს. 6 ოქტომბერს რუსეთისა და საქართველოს პრეზიდენტები ორი ქვეყნის მესაზღვრეების თანამშრომლობაზე შეთანხმდნენ. რუსეთის ფედერაციის უშიშროების სამსახურის უფროსის მოადგილე გასულ კვირას თბილისს ეწვია. ვიზიტის მიზანი ქართულ მხარესთან შეთანხმების დეტალებზე მოლაპარაკება იყო.