ახალი ამბები
საქართველო ჩეჩენი მებრძოლების შემოჭრას წინასწარმეტყველებს
(თბილისი, 8 ოქტომბერი, 2002, სივილ ჯორჯია) – საქართველოს საზღვრის დაცვის დეპარტამენტის უფროსმა ვალერი ჩხეიძემ 7 ოქტომბერს ჟურნალისტებს განუცხადა, რომ ინგუშეთში და ჩეჩნეთში მყოფი ჩეჩენი მებრძოლები საქართველოში შემოჭრას შეეცდებიან. “ამ მოსაზრებას საქართველოს დაზვერვის სამსახურიც ადასტურებს”, დასძინა ვალერი ჩხეიძემ. რუსეთისა და საქართველოს პრეზიდენტები 6 ოქტომბერს კიშინიოვში გამართულ შეხვედრაზე საზღვრის ერთობლივად გაკონტროლებაზე შეთანხმდნენ. ჩხეიძის თქმით, ამ საკითხზე მის კოლეგასთან საუბარს ის უახლოეს მომავალში აპირებს.
