ახალი ამბები
საქართველო რუსეთს დარჩენილ 8 ჩეჩენს გადასცემს
(თბილისი, 7 ოქტომბერი, 2002, სივილ ჯორჯია) – ქართველ კოლეგასთან შეხვედრის შემდეგ რუსეთის პრეზიდენტმა ვლადიმერ პუტინმა განაცხადა, რომ შევარდნაძის რწმუნებით საქართველო რუსეთს იმ ყველა დანარჩენ ჩეჩენს გადასცემს, რომელიც თბილისში წინასწარ დაკავებაში იმყოფება. 4 ოქტომბერს ცამეტი დაკავებული ჩეჩენიდან საქართველომ რუსეთს 5 გადასცა. ეს ჩეჩნები ქართველმა მესაზღვრეებმა 8 აგვისტოს დააკავეს. მათგან 8 ჯერ კიდევ თბილისის ორთაჭალის ციხეში იმყოფება. რუსეთი მათ ექსტრადირებას ითხოვს. სახალხო დამცველმა ნანა დევდარიანმა ექსტრადირების შესახებ გადაწყვეტილება გააპროტესტა და განაცხადა, რომ ამ შემთხვევაში კანონი პოლიტიკის მსხვერპლად იქცა.
