ახალი ამბები
პანკისს ნატოს საპარლამენტო დელეგაცია ესტუმრა
(თბილისი, 30 სექტემბერი, 2002, სივილ ჯორჯია) – დღეს საქართველოს პარლამენტის თავმჯდომარე, ნატოს საპარლამენტო ასამბლეის დელეგაციასთან ერთად პანკისის ხეობას ესტუმრა. პანკისში გამგზავრებამდე მათ საქართველოს შინაგან საქმეთა და უშიშროების მინისტრებთან გამართეს შეხვედრა. კობა ნარჩემაშვილმა და ვალერი ხაბურძანიამ ანტიკრიმინალური ოპერაციის შედეგებზე ისაუბრეს. კობა ნარჩემაშვილმა გასულ კვირას განაცხადა რომ ხეობაში ანტიკრიმინალური ოპერაციის მესამე და ყვლაზე აქტიური ფაზა დასრულებულია.
