skip to content
ახალი ამბები

თბილისი მთიანი ყარაბაღის რეფერენდუმს არ აღიარებს

საქართველოს საგარეო საქმეთა სამინისტრომ 20 თებერვალს განაცხადა, რომ ის არ აღიარებს სეპარატისტულ მთიან ყარაბაღში ჩატარებულ „ე.წ. რეფერენდუმს“.

„საქართველო არ აღიარებს მთიანი ყარაბაღის ე.წ. დამოუკიდებლობას, შესაბამისად არ აღიარებს მთიან ყარაბაღში ჩატარებულ ე.წ. რეფერენდუმს და/ან მის შედეგებს“, – განაცხადა საგარეო საქმეთა სამინისტრომ.

სამინისტრო მიიჩნევს, რომ „უნდა გაგრძელდეს დიალოგი მთიანი ყარაბაღის კონფლიქტის მშვიდობიანი დარეგულირების მიზნით საერთაშორისო სამართლის ნორმებისა და პრინციპების დაცვით“.

მთიანმა ყარაბაღმა, რომელიც სომხეთსა და აზერბაიჯანს შორის სადავო ტერიტორიას წარმოადგენს, რეგიონის ახალი კონსტიტუციის მისაღებად 20 თებერვალს რეფერენდუმი გამართა, რომელიც აზერბაიჯანმა დაგმო როგორც უკანონო.

მსგავსი/Related

Back to top button