თბილისი და მოსკოვი სამხედრო ტექნიკის გატანის მარშრუტზე მსჯელობენ

რუსეთისა და საქართველოს საგარეო საქმეთა სამინისტროს წარმომადგენლები 25–26 ივლისს მოსკოვში მოლაპარაკებებს გამართავენ ბათუმისა და ახალქალაქის რუსული სამხედრო ბაზებიდან ტექნიკისა და შეიარაღების გატანის მარშრუტის დადგენის თაობაზე.

„შეხვედრაზე განვიხილავთ იმ საკითხებს, რომელიც ჯერ კიდევ გადასაწყვეტია. კერძოდ, სამხედრო ტრანზიტის საკითხებს. დღის წესრიგში რუსული ბაზებიდან სამხედრო ტექნიკის გატანის მარშრუტი და მეთოდი,“ – იუწყება სააგენტო „რია ნოვოსტი“ რუსეთის საგარეო საქმეთა სამინისტროს საგანგებო დავალებათა ელჩის ლევ მირონოვის სიტყვებზე დაყრდნობით.

რუსეთის და საქართველოს საგარეო საქმეთა მინისტრები 30 მაისს შეთანხმდნენ, რომ რუსული სამხედრო ბაზები 2008 წლის განმავლობაში დაიხურება.

This post is also available in: English (ინგლისური) Русский (რუსული)