“ეგზით პოლის” წინასწარი მონაცემებით, მაჟორიტარობში თბილისის მაშტაბით ოპოზიცია ლიდერობს

“გლობალური სტრატეგიის ჯგუფი” თბილისის რაიონებში მაჟორიტარი დეპუტატობის კანდიდატებისთვის მიცემული ხმების “ეგზით პოლის” წინასწარ მონაცემებებს აქვეყნებს, რომლის მიხედვით, მთაწმინდის რაიონში პირველ ადგილზე ოპოზიციურ ბლოკ “ბურჯანაძე-დემოკრატების” წევრი გიგი წერეთელია ხმების 23,8%-ით, მეორეზე – ერთიანი ნაციონალური მოძრაობის წევრი გია თორთლაძე – 19,2%-ით, მესამეზე – “ახალი მემარჯვენეების” წარმომადგენელი ვახტანგ ხმალაძე – 11,4%-ით და მეოთხე ადგილზე ბლოკი “ახალი საქართველოსთვის” წევრი ზურაბ ბიბილეიშვილი – 10,10%-ით.

ვაკის რაიონში პირველ ადგილზე ახალი მემარჯვენეების ერთ-ერთი ლიდერი ლევან გაჩეჩილაძეა – 29.9%-ით, მეორე ადგილზე “ნაციონალური მოძრაობის” წევრი – მაია ნადირაძე  28,5%-ით, მესამეზე – ბლოკი “ახალი საქართველოსთვის” წევრი ლევან ჩრდილელი – 10,4%-ით.

საბურთალოს რაიონში პირველ ადგილზეა ნაციონალური მოძრაობის წევრი გივი თარგამაძე – 20,8%-ით, მეორეზე “ახალი მემარჯვენეების” წევრი რევაზ შავიშვილი – 18%-ით, მესამე ადგილზე ბლოკი “ბურჯანაძე-დემოკრატების” წევრი ვასილ მაღლაფერიძე – 14,9%-ით.

დიდუბის რაიონში პირველ ადგილზე ბლოკი “ბურჯანაძე-დემოკრატების” წევრი გიორგი ბარამიძე – 32,7%-ით, მეორეზე ჯემალ მარგველაშვილი – 13,8%-ით,  მესამეზე “ახალი მემარჯვენეების” წევრი დავით კოღუაშვილი – 12,2%-ით.

გლდანის რაიონში პირველ ადგილზე “ნაციონალური მოძრაობის” წევრი კობა დავითაშვილია – 23%-ით, მეორეზე “ლეიბორისტული პარტიის” წევრი გიორგი გუგავა – 16,8%-ით, მესამეზე “ახალი მემარჯვენეების” წევრი თემურ გოცაძე – 14,9%-ით, გურამ შარაძემ ხმების 7,8% მოაგროვა.

სამგორის რაიონში ბლოკი “ბურჯანაძე-დემოკრატების” წევრი მიხეილ მაჭავარიანი ხმების 22,8%-ით, მეორეზე – ბლოკი ახალი საქართველოსთვის წევრი პანტიკო თორდია – 16,1%.

ფოთში პირველ ადგილზეა რომან მელია ხმების 19,2%-ით, მეორეზე ზურაბ ნასარია – 10,2%-ით. გორში პირველ ადგილზე “ნაციონალური მოძრაობის” წევრი ირაკლი ოქრუაშვილი – 29,4%-ით, მეორეზე გიორგი ყანჩაველი – 8,1%-ით.