საქართველოს პრემიერ-მინისტრი ირაკლი ღარიბაშვილი 19 აპრილს ამერიკის შეერთებული შტატების სახელმწიფო მდივნის თანაშემწის მოადგილეს, ერიკა ოლსონს შეხვდა. მთავრობის ადმინისტრაციაში გამართულ შეხვედრაზე ორ ქვეყანას შორის არსებული სტრატეგიული პარტნიორობა განიხილეს, რა დროსაც ხაზი გაესვა სხვადასხვა სფეროში თანამშრომლობის განმტკიცების საჭიროებას.
მთავრობის ადმინისტრაციის პრესსამსახურის ინფორმაციით, ღარიბაშვილმა და ოლსონმა ასევე მიმოიხილეს რეგიონსა და მსოფლიოში არსებული უსაფრთხოების გარემო, რა დროსაც „ხაზი გაესვა პრემიერმინისტრის მიერ ინიცირებული სამხრეთ კავკასიის სამშვიდობო-სამეზობლო ინიციატივის მნიშვნელობას“.
მხარეებმა ევროინტეგრაციის გზაზე საქართველოს მიერ მიღწეული პროგრესიც განიხილეს.
შეხვედრას ესწრებოდნენ საქართველოში ამერიკის შეერთებული შტატების მისიის ხელმძღვანელის მოადგილე რაიან ჰარისი, საქართველოს საგარეო საქმეთა მინისტრი ილია დარჩიაშვილი და მთავრობის ადმინისტრაციის უფროსი რევაზ ჯაველიძე.
ასევე წაიკითხეთ:
- 13/04/2023 – საქართველოს ფინანსთა მინისტრი აშშ-ში სანქციების კოორდინაციის ოფისის ხელმძღვანელს შეხვდა
- 31/03/2023 – აშშ-ის სენატში საქართველოში ელჩობის კანდიდატს მოუსმინეს
-
-
-
-
This post is also available in: English (ინგლისური) Русский (რუსული)