„ანტიკონსტიტუციურად უნდა გამოცხადდეს და აიკრძალოს ყველა იმ პოლიტიკური პარტიის საქმიანობა, რომელიც ეწინააღმდეგება კონსტიტუციის პრინციპებს, ჩვენი ქვეყნისა და მოსახლეობის მიერ არჩეულ [ევრო-ატლანტიკურ] გზას“, – განაცხადა 2 მარტს საქართველოს პრეზიდენტმა სალომე ზურაბიშვილმა უმრავლესობის დეპუტატის, მიხეილ ყაველაშვილის პასუხად, რომელმაც დღეს უმრავლესობის მიერ მხარდაჭერილი „უცხოეთის აგენტების“ შესახებ რუსული ტიპის კანონპროექტების საკომიტეტო განხილვისას თქვა, რომ „ევროკავშირი ჩვენი თვითმიზანი არ არის“.
- 27/02/2023 – საპარლამენტო უმრავლესობამ „უცხოური გავლენის აგენტების“ შესახებ ალტერნატიული კანონპროექტი დაარეგისტრირა
- 15/02/2023 – „ხალხის ძალამ“ უცხოური გავლენის აგენტების შესახებ კანონპროექტი შეიმუშავა
„ევროკავშირში და ჩრდილოატლანტიკურ ორგანიზაციაში სრული ინტეგრაცია საქართველოს კონსტიტუციით გაცხადებული მიზანია“, – დაწერა Facebook-ზე პრეზიდენტმა და დასძინა, რომ „საგანგაშოა პარლამენტის წევრის მიერ კონსტიტუციის საწინააღმდეგო განცხადებების გაკეთება“.
„ქვეყნის უზენაესი კანონი კონსტიტუციურ ორგანოებს ავალდებულებს ყველა ზომის მიღებას ევროპის კავშირში საქართველოს სრული ინტეგრაციის უზრუნველსაყოფად“, – ხაზი გაუსვა სალომე ზურაბიშვილმა.
ასეე წაიკითხეთ:
-
-
-
-
