ქართველმა პარაძიუდოისტებმა, გიორგი ქალდანმა და ინა ქალდანმა, პარიზის პარაოლიმპიურ თამაშებზე, შესაბამისად, ვერცხლის დ ბრინჯაოს მედლები მოიპოვეს.
გიორგი ქალდანმა (J2 – 73 კგ) ვერცხლის მედალი მას შემდეგ მოიპოვა, რაც ფინალურ მატჩში იაპონელ იუჯირო სეტოსთან დამარცხდა. ინა ქალდანმა (J2 – 70კგ) ბრინჯაოს მედლისთვის დაპირისპირებაში ყაზახ აიალა მერეკს მოუგო. ეს უკვე მისი მეორე პარაოლიმპიური მედალია – პირველად მან ვერცხლის მედალი ტოკიოს 2020 წლის პარაოლიმპიურ თამაშებზე მოიპოვა.
საქართველომ პარიზის პარაოლიმპიურ თამაშებზე ამ ეტაპისთვის შვიდი მედალი მოიპოვა. 8 სექტემბერს თამაშების დასრულებამდე კიდევ 3 პარასპორტსმენი იასპერეზებს.
- ანა ჯაფარიძე – ბრინჯაოს მედალი პარატაეკვანდოში
- გიგა ოჩხიკიძე – ოქროს მედალი ბირთვის კვრაში
- ნინო თიბილაშვილი – ბრინჯაოს მედალი ეტლით ფარიკაობაში
- ვლადიმერ ჭინჭარაული – ვერცხლის მედალი პარასროლაში
- ზურაბ ზურაბიანი – ვერცხლის მედალი პარაძიუდოში
- გიორგი ქალდანი – ვერცხლის მედალი პარაძიუდოში
- ინა ქალდანი – ბრინჯაოს მედალი პარაძიუდოში.
ასევე წაიკითხეთ: