პრემიერ-მინისტრმა ნიკა გილაურმა განაცხადა 2 სექტემბერს, რომ საქართველომ მოამზადა ევროკავშირთან თავისუფალი ვაჭრობის ხელშეკრულებისთვის მოლაპარაკებების დასაწყებად საჭირო ყველა წინადადება და დოკუმენტი.
”საკმაოდ დიდი სამუშაო გაიწია როგორც საგარეო საქმეთა სამინისტროში, ისე სოფლის მეურნეობის სამინისტროში, ასევე პრემიერ-მინისტრის ოფისშიც. გამზადებულია აბსოლუტურად ყველა დოკუმენტი იმისათვის, რომ ჩვენ ვიყოთ მზად ამ მოლაპარაკების დასაწყებად,” – განაცხადა გილაურმა მთავრობის სხდომაზე.
”ჩვენი მხრიდან აბსოლუტურად ყველაფერი შესრულებულია იმისათვის, რომ ევროკავშირთან თავისუფალი ვაჭრობის ხელშეკრულებისთვის მოლაპარაკებები იქნას დაწყებული,” – დასძინა მან.
ეკონომიკის მინისტრმა ზურაბ პოლოლიკაშვილმა განაცხადა, რომ ევროკავშირის და საქართველოს წარმომადგენლები ამ საკითხს 23 სექტემბერს ბრიუსელში განიხილავენ.
This post is also available in: English (ინგლისური) Русский (რუსული)