თვითგამოცხადებული სამხრეთ ოსეთის ხელმძღვანელობა აცხადებს, რომ სარწყავი წყლის მიწოდება ქართული სოფლებისათვის აღდგენილია, იუწყება ბეჭდვისა და ინფორმაციის კომიტეტი 3 ივლისს.
ამავე ცნობით, გადაწყვეტილება მას შემდეგ იქნა მიღებული, რაც ”შედგა შეხვედრა პრეზიდენტ კოკოითსა და ქართული სოფლების მცხოვრებლებს შორის 2 ივლისს”. თუმცა აღნიშნული შეხვედრის ნამდვილობის სხვა დადასტურება არ არსებობს.
”სარწყავი წყლის მიწოდება აღდგა კეთილი ნების სადემონსტრაციოდ… ქართული სოფლების წარმომადგენელთა თხოვნის შესაბამისად,”- აცხადებს ბეჭდვისა და ინფორმაციის კომიტეტი.
იმავდროულად, რეგიონის ქართული სოფლების მოსახლეობა აგრძელებს ცხინვალისკენ მიმავალი გზის ბლოკირებას. ადგილობრივი გლეხები უკვე მეორე დღეა ამ ფორმით წყალმომარაგების აღდგენას ითხოვენ.
This post is also available in: English (ინგლისური) Русский (რუსული)