საქართველოს საგარეო საქმეთა მინისტრმა გელა ბეჟუაშვილმა განაცხადა, რომ “ჩვენ ძალადობით დავასრულებთ“, თუ სამხრეთ ოსეთის და აფხაზეთის კონფლიქტებში არ შეიცვლება რუსული სამშვიდობო და მოლაპარაკებების ფორმატები.
ბრიუსელში გამოცემულ ინტერნეტ ჟურნალ EUobserver.com-თან ინტერვიუში ბეჟუაშვილმა განაცხადა, რომ “ეს არის ცივი ომი ცხელი ელემენტებით“.
“ჩვენ ძირითადად ფორმატის შეცვლის ინიციატივით გამოვდივართ, მოლაპარაკებების ფორმატის და [რუსული] სამშვიდობო ოპერაციის შეცვლის ინიციატივით… ჩვენ გვინდა [ევროკავშირის] როლის გაძლიერება რუსული როლის დაბალანსების მიზნით“, – განაცხადა ბეჟუაშვილმა.
ინტერვიუში საქართველოს საგარეო საქმეთა მინისტრმა ხაზი გაუსვა, რომ საქართველო კონფლიქტების მხოლოდ მშვიდობიანი გზით მოგვარებას გეგმავს.
ბეჟუაშვილი ბრიუსელს 14-17 ეწვია და ევროკავშირის და ნატოს ოფიციალურ პირებთან გამართა შეხვედრები.
This post is also available in: English (ინგლისური) Русский (რუსული)