დღეს თბილისის საქალაქო სასამართლომ ხანგრძლივი პროცესის შედეგად ორთვიანი წინასწარი პატიმრობა შეუფარდა იგორ გიორგაძის 12 მომხრეს, რომელთაც ბრალი ედებათ სახელმწიფო ხელისუფლების დასამხობად და ხელში ჩასაგდებად შეთქმულებაში.
მე–13 ბრალდებულს, მოძრაობა ანტი-სოროსის ხელმძღვანელს მაია ნიკოლაიშვილს დღეს აღმკვეთი ღონისძიება არ შეფარდებია, რადგან გამოძიება კვლავ განაგრძობს მის დაკითხვას. სავარაუდოდ, მისი სასამართლო პროცესი ცალკე გაიმართება.
გიორგაძის პარტია სამართლიანობისა და მისი სატელიტი პარტიების 29 აქტივისტი 6 სექტემბერს თბილისსა და რეგიონებში დააკავეს, თუმცა მოგვიანებით 16 დაკავებული გაათავისუფლეს.
This post is also available in: English (ინგლისური) Русский (რუსული)