თვითგამოცხადებული სამხრეთ ოსეთის მმართველი პარტია „ერთიანობამ“ დღეს საინიციატივო ჯგუფი შექმნა, რომელმაც რეფერენდუმის ჩატარებას უნდა გაუწიოს ორგანიზება, იუწყება სამხრეთ ოსეთის ბეჭვდისა და ინფორმაციის კომიტეტი.
რეფერენდუმის კითქვა იქნება: „თანახმა ხართ, თუ არა რომ სამხრეთ ოსეთის რესპუბლიკამ შეინარჩუნოს არსებული დამოუკიდებელი სახელმწიფოს სტატუსი და იქნას [სამხრეთ ოსეთი] აღიარებული საერთაშორისო საზოგადოების მიერ?“
„პარტიის პოლიტსაბჭო შეიკრიბა სახელმწიფოსთვის ძალიან საპასუხისმგებლო მომენტში და გამოდის ინიციატივით ჩატარდეს რეფერენდუმი რათა ხალხს კიდევ ერთხელ მიეცეს საშუალება დაამტკიცოს თავისი დამოუკიდებლობა“, – განაცხადა პარტიის ლიდერმა ზურაბ კოკოევმა.
სამხრეთ ოსეთში მსგავსი რეფერენდუმი, რომელსაც საერთაშორისო აღიარება არ მოჰყოლია, 1992 წლის 19 იანვარს ჩატარდა, სადაც დამოუკიდებლობას 98%-მა დაუჭირა მხარი.
This post is also available in: English (ინგლისური) Русский (რუსული)