სუამის წევრი სახელმწიფოების – საქართველო, უკრაინა, აზერბაიჯანი და მოლდოვა – თავდაცვის სამინისტროების წარმომადგენლები 17 აგვისტოს თბილისში შეიკრიბნენ, სადაც ერთობლივი სამშვიდობო ბატალიონის შექმნის საკითხს განიხილავენ.
„ჩვენ განვიხილავთ შემდგომ სამხედრო თანამშრომლობას სუამის წევრ სახელმწიფოებს შორის, ასევე ერთობლივი სამშვიდობო ბატალიონის შექმნის საკითხს“, – განუცხადა კრწანისის ეროვნული სასწავლო ცენტრის ხელმძღვანელმა ალექსანდრე კიკნაძემ ჟურნალისტებს შეხვედრის დაწყებამდე.
საქართველოს თავდაცვის სამინისტროს ცნობით, ერთობლივი სამშვიდობო ბატალიონს გაერო-ს, ეუთო-ს, ასევე ნატო-სა და ევროკავშირის მანდატით მიმდინარე სამშვიდობო და ჰუმანიტარულ ოპერაციებში ჩართვის და ერთობლივი მონაწილეობის მიღების საშუალება ექნება.
სუამ-ის წევრი ქვეყნების წარმომადგენლები ერთობლივი სამშვიდობო ბატალიონის შექმნის საკითხზე უკვე მეორედ შეიკრიბნენ. პირველი შეხვედრა უკრაინაში, 2006 წლის ივნისში გაიმართა.
-
-
-
-
This post is also available in: English (ინგლისური) Русский (რუსული)