სომხეთის საგარეო საქმეთა მინისტრმა ვარდან ოსკანიანმა განაცხადა, რომ მისი ქვეყნის ურთიერთობები ნატოსთან საქართველოს ალიანსში გაწევრიანებაზე იქნება დამოკიდებული, იტყობინება Mediamax.
“გამორიცხული არ არის, რომ საქართველო მართლაც შეუერთდეს ნატოს 5-6 წელიწადში. აზერბაიჯანი არაფერს ამბობს ჯერ-ჯერობით ნატოში გაწევრიანებაზე. რაც შეეხება სომხეთს და ჩვენს მონაწილეობას IPAP-ში, არსებობს პროცესები, რომელთაც გვერდს ვერ ავუვლით, რადგანაც ეს ჩვენი ინტერესების წინააღმდეგი იქნება. ვფიქრობ, ბევრი იქნება დამოკიდებული საქართველოს ნატოში გაწევრიანების დროზე. თუმცა, ჩვენ ჯერ კიდევ გვაქვს დრო“, – განაცხადა ოსკანიანმა.
This post is also available in: English (ინგლისური) Русский (რუსული)