რუსეთის რკინიგზის კომპანიის ხელმძღვანელმა გენადი ფადეევმა 24 თებერვალს განაცხადა, რომ აფხაზეთის გავლით სარკინიგზო მიმოსვლის აღდგენა “გახდება გასაღები კავკასიაში პრობლემების მოსაგვარებლად“, აცხადებს საინფორმაციო სააგენტო “რია ნოვოსტი“.
აფხაზეთის გავლით რუსეთ-საქართველოს სარკინიგზო მიმოსვლა 11 წლის წინ, ქართულ-აფხაზური კონფლიქტის შემდეგ შეწყდა. თუმცა, 2004 წელს რუსეთმა ცალმხრივად აღადგინა სარკინიგზო მიმოსვლა მოსკოვსა და სოხუმს შორის.
გენადი ფადეევის თქმით, სარკინიგზო მიმოსვლასთან დაკავშირებული სიტუაცია სავსებით მისაღებია აფხაზეთისთვის. “[სარკინიგზო] მოძრაობა იქ ორგანიზებულია“, დასძინა მან.
მან ასევე აღნიშნა, რომ დაინტერესებულმა მხარეებმა უნდა დაიწყონ მოლაპარაკებები რუსეთსა და საქართველოს შორის აფხაზეთის გავლით სარკინიგზო მიმოსვლის აღდგენასთან დაკავშირებით, რაც ასევე სასარგებლო იქნება სომხეთისთვის.