საქართველოს პრეზიდენტი, სალომე ზურაბიშვილი და პრემიერმინისტრი, ირაკლი ღარიბაშვილი თურქეთის პრეზიდენტს, რეჯეფ თაიფ ერდოღანს საპრეზიდენტო არჩევნების მეორე ტურში გამარჯვებას ულოცავენ.
„საქართველო და თურქეთი ერთმანეთთან მტკიცე ურთიერთობებით დაკავშირებული ახლო მეგობრები არიან, რაც კიდევ უფრო ვითარდება“, – დაწერა Twitter-ზე პრეზიდენტმა ზურაბიშვილმა და თქვა, რომ „მოუთმენლად“ ელის შემდგომ თანამშრომლობას ამ პარტნიორობის გასაძლიერებლად.
My congratulations to President @RTErdogan upon his #reelection !
Georgia and Türkiye are close friends bound by a strong relationship that continues to grow and I look forward to our further cooperation to advance this partnership 🇬🇪🤝🇹🇷
— Salome Zourabichvili (@Zourabichvili_S) May 29, 2023
„ვულოცავ პრეზიდენტ ერდოღანს, საქართველოს დიდ მეგობარს პრეზიდენტად დამაჯერებელ ხელახლა არჩევას“, – დაწერა ასევე Twitter-ზე პრემიერმა ირაკლი ღარიბაშვილმა: „თურქმა ხალხმა [თავისი] სათქმელი თქვა და ჩვენ ვუერთდებით მათ ზეიმს“. „ჩვენ მზად ვართ კიდევ უფრო გავაძლიეროთ მეგობრობა და სტრატეგიული პარტნიორობა საქართველოსა და თურქეთს შორის“, – ხაზი გაუსვა მან.
Congratulations to 🇹🇷President @RTErdogan, a great friend of 🇬🇪, on his convincing re-election as the leader of Türkiye! Turkish people have spoken & we join in their celebration. We are eager to further enhance the bonds of friendship & strategic partnership between 🇬🇪&🇹🇷.
— Irakli Garibashvili (@GharibashviliGe) May 28, 2023
თურქეთში საპრეზიდენტო არჩევნების მეორე ტური 28 მაისს ჩატარდა. ოფიციალური მონაცემებით, მოქმედმა პრეზიდენტმა, რეჯეფ თაიფ ერდოღანმა მის კონკურენტს, ქემალ ქილიჩდაროღლუს მცირე სხვაობით აჯობა. მან ხმების 52.14% მიიღო, ქილიჩდაროღლუმ კი – 47.86%.
-
-
-
-
This post is also available in: English (ინგლისური) Русский (რუსული)