ცენტრალურმა საარჩევნო კომისიამ 2 ოქტომბრის ადგილობრივი თვითმმართველობის არჩევნებისთვის, დედაქალაქის საკრებულოს პროპორციული პარტიული სიები გამოაქვეყნა. საერთო ჯამში კანდიდატების სია 31 პარტიამ წარადგინა.
ქვემოთ დედაქალაქის საკრებულოსთვის გირჩი-მეტი თავისუფლების მიერ რეგისტრირებული პროპორციული სიის პირველი 10 კანდიდატია წარმოდგენილი, რომელთაგან 3 ქალია, 7 კი – მამაკაცი:
- თენგიზ კირთაძე – ასევე მთაწმინდის მაჟორიტარობის კანდიდატი
- ცოტნე კობერიძე – თბილისის მერის მოადგილის შეთანხმებული კანდიდატი;
- ანა ჩიქოვანი;
- ბადრი გრიგალაშვილი – ასევე ნაძალადევის მაჟორიტარობის კანდიდატი;
- ბორისი ყურუა – ასევე საბურთალოს მაჟორიტარობის კანდიდატი
- ნინო საჯაია;
- ნიკა მოსიაშვილი – ასევე დიდუბის მაჟორიტარობის კანდიდატი;
- ლევან ნიშნიანიძე;
- მარიამ ჩალათაშვილი;
- როინ მწყერაშვილი.
პარლამენტის მიერ ახლახან მიღებული საარჩევნო კოდექსის მიხედვით, რომელიც ევროკავშირის შუამავლობით 19 აპრილს მიღწეული შეთანხმების საფუძველზე შემუშავდა, დედაქალაქის საკრებულოს 50 წევრიდან მოქალაქეები 40-ს პროპორციული, 10-ს კი -მაჟორიტარული წესით აირჩევენ. მანამდე ეს პროპორცია 25/25-ზე იყო.
ნაციონალურ მოძრაობასთან, ევროპულ საქართველოსა და დროასთან მიღწეული შეთანხმებით გირჩი-მეტი თავისუფლება თბილისის მერის თანამდებობაზე მხარს ნაციონალური მოძრაობის თავმჯდომარეს ნიკა მელიას უჭერს, საკრებულოს თავმჯდომარის პოსტზე კი – დროას ლიდერს, ელენე ხოშტარიას. პარტიები თბილისის მასშტაბით მაჟორიტარობის ერთიან კანდიდატებზეც შეთანხმდნენ.
ეს პირველი არჩევნებია გირჩი- მეტი თავისუფლებისთვის, მას შემდეგ, რაც გასულ წელს გირჩის წევრებს შორის განხეთქილების შემდეგ, ზურაბ ჯაფარიძემ პარტია დატოვა და გირჩი-მეტი თავისუფლებისთვის შექმნა.
-
-
-
-
This post is also available in: English (ინგლისური) Русский (რუსული)