საქართველოს პარლამენტმა 10 დეკემბერს გამართულ სხდომაზე 88 ხმით 2025 წლის სახელმწიფო ბიუჯეტი დაამტკიცა. ბიუჯეტის პროექტი პარლამენტს ახლად დანიშნულმა ფინანსთა მინისტრმა ლაშა ხუციშვილმა წარუდგინა.
2025 წლისთვის ეკონომიკური ზრდა დაგეგმილია 6%-ის ოდენობით; დეფლატორის მაჩვენებელია 3% როგორც 2025 წელს, ასევე მომდევნო წლების განმავლობაში; ინფლაციის საშუალო მაჩვენებელია 1%. სახელმწიფო ბიუჯეტის ასიგნებების მოცულობა, ბიუჯეტის წინა წარდგენასთან შედარებით, იზრდება 895.2 მლნ ლარით და შეადგენს 27.9 მლრდ ლარს.
საბიუჯეტო დაფინანსება შემდეგნაირად გადანაწილდა:
- ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო – 8.82 მლრდ ლარი;
- განათლების, მეცნიერებისა და ახალგაზრდობის სამინისტრო – 3.09 მილიარდი ლარი;
- კულტურის სამინისტრო – 297.6 მლნ ლარი;
- სპორტის სამინისტრო – 298.4 მლნ ლარი;
- რეგიონული განვითარებისა და ინფრასტრუქტურის სამინისტრო – 3.13 მლრდ ლარი, მათ შორის საბიუჯეტო სახსრების ნაწილში გათვალისწინებულია 2.41 მლრდ ლარი, გრანტებში 18.5 მლნ ლარი, ხოლო კრედიტების ნაწილში – 700.8 მლნ ლარი;
- გარემოს დაცვისა და სოფლის მეურნეობის სამინისტრო – 808.1 მლნ ლარი;
- საქართველოს ეკონომიკისა და მდგრადი განვითარების სამინისტრო – 947 მილიონი ლარი;
- ფინანსთა სამინისტრო – 121 მილიონი ლარი;
- იუსტიციის სამინისტრო – 442 მილიონი ლარი;
- საგარეო საქმეთა სამინისტრო – 215 მილიონი ლარი;
- თავდაცვის სამინისტრო – 1.73 მილიარდი ლარი;
- შინაგან საქმეთა სამინისტრო – 1.4 მილიარდი ლარი (მოიცავს პოლიციელების ხელფასების 10%-იან ზრდას).
ასევე წაიკითხეთ:
- 15/12/2023 – პარლამენტმა 2024 წლის სახელმწიფო ბიუჯეტი დაამტკიცა