საქართველოს შეიარაღებული ძალების სახმელეთო ჯარების სარდლად თავდაცვის მინისტრის 6 მაისის ბრძანებით გიგი კალანდაძე დაინიშნა.
თავდაცვის სამინისტროს ცნობით, კალანდაძე, რომელიც მე-4 ქვეითი ბრიგადის მეთაური იყო, სარდლის მოვალეობას 27 იანვრიდან ასრულებდა. ყოფილი სარდალი შმაგი თელია კვლავაც შეიარაღებულ ძალებში რჩება.
პარლამენტმა აპრილში მიიღო საკანონმდებლო შესწორება, რომლის მიხედვითაც სახმელეთო ძალების სარდლობას საჰაერო ძალებიც დაექვემდებარა.