საქართველოში გაეროს დამკვირვებელთა მისიამ მიიღო გადაწყვეტილება გამოიძიოს ზემო კოდორის ხეობის სოფელ აჟარის მახლობლად მომხდარი ინციდენტი, იტყობინება მისია 25 ოქტომბერს გავრცელებულ პრეს-რელიზში.
“მისიის მანდატში შედის მხარეთა ან დსთ-ს სამშვიდობო ძალების მოთხოვნის საფუძელზე ან საკუთარი ინიციატივით გამოიძიოს [ცეცხლის შეწყვეტის და ძალთა დაშორიშორების შესახებ 1994 წლის] შეთანხმების დარღვევის სავარაუდო ფაქტები“, – ნათქვამია პრეს-რელიზში.
მისია ასევე იხსენებს გაეროს უშიშროების საბჭოს ბოლო რეზოლუციას საქართველოში არსებული სიტუაციის შესახებ, რომელიც მხარეებისგან მოითხოვს ძალადობისგან თავშეკავებას, ნდობის აღდგენას და ცეცხლის შეწყვეტის შესახებ შეთანხმების მკაცრად დაცვას.