საქართველო ხელახალი არჩევნებით პარლამენტს ირჩევს

მესამე არჩევნები ბოლო ხუთი თვის განმავლობაში.

28 მარტის საპარლამენტო არჩევნებისთვის საარჩევნო უბნები 8 საათზე გაიხსნა, მათ შორის აჭარის ავტონომიურ რესპუბლიკაშიც. იქნება თუ არა პარლამენტი ერთპარტიული და რა მოხდება აჭარაში არჩევნების შემდეგ – ეს ის ორი ძირითადი საკითხია, რომელიც ყველაზე აქტუალურად დგას დღის წესრიგში, რადგან არჩევნებში გამარჯვებული უკვე ყველასათვის წინასწარ ცნობილია.

11 პარტია და 5 ბლოკი 150 საპარლამენტო მანდატისთვის იბრძოლებენ, რადგან 235 ადგილიან საკანონმდებლო ორგანოში 75 მანდატი უკვე დაკავებულია მაჟორიტარი დეპუტატების მიერ.