„ქართული ოცნების“ პრემიერ-მინისტრის, ირაკლი კობახიძის მიერ 22 დეკემბერს ხელმოწერილი განკარგულების თანახმად, ამერიკის შეერთებული შტატები საქართველოს თავდაცვის სამინისტროს გრანტის სახით 10.4 მილიონი აშშ დოლარის ოდენობის კავშირგაბმულობის საშუალებებსა და სხვა სახის საქონელ გადმოსცემს.
„მიენიჭოს უფლებამოსილება საქართველოს თავდაცვის სამინისტროს, განახორციელოს ამ განკარგულების პირველი პუნქტით გათვალისწინებული ამერიკის შეერთებული შტატების მთავრობის მიერ საქართველოს თავდაცვის სამინისტროსათვის გამოყოფილი გრანტებით განსაზღვრული კავშირგაბმულობის საშუალებებისა და სხვა სახის საქონლის მიღება“, – ნათქვამია განკარგულებაში.
კერძოდ, საუბარია PB-B-WFK, DT-B-WAZ, PB-B-WF], DT-B- WBC და DT-B-WBA გრანტების ფარგლებში საქონლის გადმოცემაზე საერთო ღირებულებით 10,431,459.90 588 აშშ დოლარი. გადმოცემის ვადებისა და გამოყენების შესახებ დეტალური ინფორმაცია არ გასაჯაროვებულა.
This post is also available in: English