ცხინვალის საოკუპაციო ხაზთან დაკავებული საქართველოს 4 მოქალაქე გაათავისუფლეს

სახელმწიფო უსაფრთხოების სამსახურმა 24 დეკემბერს განაცხადა, რომ რუსეთის საოკუპაციო ძალების მიერ ცხინვალის რეგიონის საოკუპაციო ხაზთან, გორის მუნიციპალიტეტის სოფელ აძვის მიმდებარედ გუშინ უკანონოდ დაკავებული საქართველოს 4 მოქალაქე გაათავისუფლეს.

სუს-ის ცნობით, უკანონოდ დაკავებული საქართველოს მოქალაქეების გათავისუფლებაში აქტიურად გამოიყენებოდა ცხელი ხაზი და ინფორმაცია მიეწოდებოდათ ჟენევის საერთაშორისო დისკუსიების თანათავმჯდომარეებს და საერთაშორისო პარტნიორებს.

„ოკუპირებულ რეგიონებსა და საოკუპაციო ხაზის გასწვრივ განხორციელებულ დესტრუქციულ ქმედებებზე სრული პასუხისმგებლობა რუსეთის საოკუპაციო ძალებს ეკისრებათ“, – განაცხადეს სუს-ში.

ასევე წაიკითხეთ:

• სუს-ის ცნობით, ცხინვალის საოკუპაციო ხაზთან საქართველოს 4 მოქალაქე დააკავეს
• ოკუპირებული ცხინვალის ციხიდან საქართველოს მოქალაქე გაათავისუფლეს

This post is also available in: English (ინგლისური) Русский (რუსული)