სუს-მა „რასობრივი დისკრიმინაციის ფაქტზე“ გამოძიება დაიწყო

სახელმწიფო უსაფრთხოების სამსახურმა „რასობრივი დისკრიმინაციის ფაქტზე გამოძიება დაიწყო „პირთა ჯგუფებისა“ და „რიგი მოქალაქეების“ მიმართ, რომლებიც ქვემო ქართლსა და კახეთის რეგიონებში მცხოვრებ „ეთნიკურად ქართველებსა და აზერბაიჯანელებს შორის შუღლის გაღვივებას“ ცდილობენ.

უწყების მიერ 30 მაისს გავრცელებულ განცხადებაში ვკითხულობთ, რომ აღნიშნული პირები, იჭრებიან სახელმწიფოსა და ხელისუფლების კომპეტენციის საკითხებში, „პატრიოტული მოტივების“ გამოყენებით „ეროვნული მტრობის“ ჩამოგდებას ცდილობენ და ორ ეთნოსს შორის მშვიდობიან თანაცხოვრებას „აშკარა საფრთხეს“ უქმნიან.

სუს-ისვე განმარტებით, ისინი თავის საჯარო განცხადებებსა თუ იდეოლოგიაში სიტუაციის იმგვარად წარმოჩენას ცდილობენ, თითქოს  ეთნიკურად ქართველ მოსახლეობას საქართველოს სხვა მოქალაქე ეთნიკურ უმცირესობებთან შედარებით უპირეტესობა ენიჭებათ, რაც „უფრო ზრდის ეროვნული კონფლიქტის წარმოშობის რისკებს“.

ასევე წაიკითხეთ:

• EMC მუსლიმი სასულიერო პირის გამოკითხვას და მის სამართლებრივ და სოციალურ კონტექსტს აფასებს
• რამ გამოიწვია კარანტინის საწინააღმდეგო პროტესტი მარნეულში?
• სუს-ის უფროსი რუსულ ოკუპაციაზე, ტერორიზმსა და 20 ივნისის მოვლენებზე

This post is also available in: English (ინგლისური) Русский (რუსული)