Placeholder canvas
ახალი ამბები

სუსი ხურჩისა და განმუხურის სიახლოვეს „ბორდერიზაციაზე“ საუბრობს

სახელმწიფო უსაფრთხოების სამსახურის მიერ 20 მაისს გავრცელებული ინფორმაციით, ოკუპირებული აფხაზეთის მიმართულებით, ზუგდიდის მუნიციპალიტეტის სოფელ ხურჩისა და განმუხურის მიმდებარედ, საოკუპაციო ძალებმა უკანონო, ე.წ. „ბორდერიზაციის“ პროცესი განახორციელეს.

სუს-ის განმარტებით, „შეიცვალა ადრე არსებული მავთულხლართები და აღიმართა დამატებითი უკანონო ინსტალაციები“.

„უკანონო ე.წ. „ბორდერიზაცია“ აზიანებს ადგილზე არსებულ უსაფრთხოების გარემოს და ართულებს ადგილობრივების ყოველდღიურ ცხოვრებას“, – აცხადებენ სუს-ში.

მანამდე, 16 მაისს, სახელმწუფო უსაფრთხოების სამსახურში რუსული საოკუპაციო ძალების მიერ ოკუპირებული აფხაზეთის მიმართულებით, სოფელ ფახულანისა და სოფელ საბერიოს მონაკვეთზე, უკანონო ე.წ. „ბორდერიზაციის“ შესახებ განაცხადეს.

This post is also available in: English (ინგლისური) Русский (რუსული)

მსგავსი/Related

Back to top button