საქართველო მიესალმება აშშ-ს და თალიბანს შორის სამშვიდობო შეთანხმების ხელმოწერას
საქართველოს პრეზიდენტი სალომე ზურაბიშვილი მიესალმა თალიბანსა და ამერიკის შეერთებულ შტატებს შორის 29 თებერვალს სამშვიდობო შეთანხმების ხელმოწერას, რასაც წინ უძღოდა მოლაპარაკებები ავღანეთში ხანგრძლივი კონფლიქტის დასასრულებლად. „როგორც ერთ-ერთი უმსხვილესი და უძველესი კონტრიბუტორი ავღანეთის მისიაში, საქართველო მიესალმება ხანგრძლივი მშვიდობისკენ გადადგმულ ნაბიჯებს“, – დაწერა ზურაბიშვილმა Twitter-ზე იმავე დღეს.
I welcome the signing of the #peaceagreement in Afghanistan. As one of the largest and oldest contributors to the mission in #Afghanistan, Georgia applauds the steps taken toward lasting peace.
— Salome Zourabichvili (@Zourabichvili_S) February 29, 2020
საქართველოს პრემიერ-მინისტრი გიორგი გახარია ასევე მიესალმა პრეზიდენტ დონალდ ტრამპის სამშვიდობო გეგმას და პირობა დადო, რომ საქართველო კვლავაც ამერიკის შეერთებული შტატების გვერდით იდგება, რათა თვალი ადევნოს შეთანხმების პირობების შესრულებას.
Today marks an important moment. President Trump’s peace plan will bring real progress toward ending the war in Afghanistan. #Georgia will continue to stand with the US to see the agreement’s conditions are met. @realDonaldTrump
— Giorgi Gakharia (@GakhariaGiorgi) February 29, 2020
სამშვიდობო შეთანხმებას საქართველოს საგარეო საქმეთა მინისტრი დავით ზალკალიანიც მიესალმა. მისი თქმით, ავღანეთში მშვიდობისა და სტაბილურობის ხელშეწყობა მნიშვნელოვანია რეგიონული და გლობალური უსაფრთხოებისთვის.
#Georgia welcomes the signing of the agreement between the U.S. and Taliban as a historic step towards lasting peace in #Afghanistan. Full implementation is a key. Peace and stability in Afghanistan is critical for regional and global security. #AfghanPeaceProcess
— David Zalkaliani (@DZalkaliani) February 29, 2020
აშშ-მა და თალიბანმა შეთანხმებას დოჰაში რამდენიმეთვიანი მოლაპარაკებების შემდეგ მოაწერეს ხელი. შეთანხმების ხელმოწერის შედეგად, ამერიკის შეერთებული შტატები საკუთარ შეიარაღებულ ძალებს ავღანეთიდან ეტაპობრივად გამოიყვანს.
საქართველო ნატოს არაწევრ ქვეყნებს შორის უმსხვილესი კონტრიბუტორია მტკიცე მხარდაჭერის მისიაში და ავღანეთში 870 ქართველი სამხედროა დისლოცირებული. 2004 წლიდან შემდეგ, ავღანეთში ნატოს სამშვიდობო მისიაში მსახურობის დროს, ჯამში 32 ქართველი სამხედრო დაიღუპა.
This post is also available in: English (ინგლისური) Русский (რუსული)
