Placeholder canvas
ახალი ამბები

აშშ-ის სახელმწიფო მდივანი გახარიას პრემიერ-მინისტრობას ულოცავს

აშშ-ის სახელმწიფო მდივანმა მაიკ პომპეომ გიორგი გახარიას საქართველოს პრემიერ-მინისტრად დანიშვნა მიულოცა.

„ველით თქვენთან თანამშრომლობას აშშ-საქართველოს სტრატეგიული პარტნიორობის ქარტიის ფარგლებში ჩვენი ორმხრივი ურთიერთობების გასაღრმავებლად ისეთ სფეროებში, როგორიცაა დემოკრატია და მმართველობა, ეკონომიკა და სავაჭრო თანამშრომლობა, თავდაცვა და უსაფრთხოება, ასევე ადამიანთა შორის კონტაქტები და კულტურული გამოცდილების გაზიარება“, – ნათქვამია პომპეოს წერილში, რომელიც 24 სექტემბრითაა დათარიღებული.

„ამერიკის შეერთებული შტატები ადასტურებს ურყევ მხარდაჭერას რუსული აგრესიის საფრთხის წინაშე მდგარი საქართველოს ტერიტორიული მთლიანობისა და სუვერენიტეტის მიმართ“, – აღნიშნა მან და დასძინა, რომ აშშ ერთგულია 2008 წლის ნატოს ბუქარესტის სამიტის გადაწყვეტილებისა, რომელიც „კიდევ ერთხელ დადასტურდა 2018 წლის ბრიუსელის სამიტზე და რომლის თანახმადაც, საქართველო ნატოს წევრი გახდება“.

საქართველოს პარლამენტმა გიორგი გახარია პრემიერ-მინისტრის თანამდებობაზე 8 სექტემბერს დაამტკიცა. გახარია, რომელსაც 2017 წლიდან შინაგან საქმეთა მინისტრის თანამდებობა ეკავა, მთავრობის ახალ მეთაურად მას შემდეგ წარადგინეს, რაც პრემიერ-მინისტრმა მამუკა ბახტაძემ 2 სექტემბერს თანამდებობა დატოვა.

ასევე ნახეთ: 

This post is also available in: English (ინგლისური) Русский (რუსული)

მსგავსი/Related

Back to top button