Placeholder canvas
ახალი ამბები

დაზუსტებული მონაცემებით, 2018 წელს პირდაპირი უცხოური ინვესტიციები 1.26 მლრდ აშშ დოლარი იყო

„საქსტატის“ მიერ 15 აგვისტოს გამოქვეყნებული დაზუსტებული მონაცემების თანახმად, 2018 წელს პირდაპირი უცხოური ინვესტიციების მოცულობამ 1.26 მლრდ აშშ დოლარი შეადგინა, რაც წინა წელთან შედარებით, 35.5 %-ით ნაკლებია.

პირდაპირი უცხოური ინვესტიციები და რეინვესტიცია საქართველოში 2013-2018 წლებში (მლნ. აშშ დოლარი). წყარო: საქსტატი

2018 წელს პირდაპირი უცხოური ინვესტიციების ყველაზე დიდი წილი – 270.7 მილიონი აშშ დოლარი – ფინანსურმა სექტორმა მიიღო. შემდეგ მოდის მშენებლობა – 173 მლნ აშშ დოლარი; ტრანსპორტისა და კავშირგაბმულობის სფერო – 163 მლნ აშშ დოლარი; დამამუშავებელი მრეწველობა – 140 მლნ აშშ დოლარი; უძრავი ქონება – 131.4 მლნ აშშ დოლარი; ენერგოსექტორი – 120.8 მლნ აშშ დოლარი; სასტუმროები და რესტორნები – 77.8 მლნ აშშ დოლარი; სამთომოპოვებითი მრეწველობა – 62.2 მლნ აშშ დოლარი; სხვა სექტორები – 126.3 მლნ აშშ დოლარი.

უმსხვილესი პირდაპირი უცხოური ინვესტიციები ეკონომიკის სექტორების მიხედვით 2018 წელს (%). წყარო: საქსტატი

2018 წელს პირდაპირი უცხოური ინვესტიციების ყველაზე დიდი ოდენობა – 246.4 მლნ აშშ დოლარი – საქართველომ აზერბაიჯანიდან მოიზიდა. მას მოჰყვება ნიდერლანდებში, გაერთიანებულ სამეფოსა და ამერიკის შეერთებულ შტატებში დარეგისტრირებული კომპანიები – 208.4 მლნ, 178.8 მლნ და 102.6 მლნ აშშ დოლარით. შემდეგ მოდის ჩინეთი – 75.7 მლნ აშშ დოლარი; ჩეხეთის რესპუბლიკა – 75 მლნ აშშ დოლარი; პანამა – 74.6 მლნ აშშ დოლარი; რუსეთი – 69.7 მლნ აშშ დოლარი; ლუქსემბურგი – 50.1 მლნ აშშ დოლარი; თურქეთი – 49.6 მლნ აშშ დოლარი; სხვა ქვეყნები – 134.3 მლნ აშშ დოლარი.

უმსხვილესი ინვესტორი ქვეყნების წილი 2018 წელს (%). წყარო: საქსტატი

ასევე წაიკითხეთ:

მსგავსი/Related

Back to top button