პროკურატურამ „საარჩევნო დოკუმენტების შესაძლო გაყალბების ფაქტზე“ გამოძიება დაიწყო
საქართველოს მთავარმა პროკურატურამ საპრეზიდენტო არჩევნების მეორე ტურისთვის „კონკრეტულ საარჩევნო უბნებზე“ კომისიის წევრების მხრიდან „სავარაუდო ბიულეტენების ხელმოწერებით დამოწმების და საარჩევნო ყუთებში მოთავსებასთან დაკავშირებით“ გამოძიება დაიწყო.
პროკურატურის მიერ 27 დეკემბერს გავრცელებული განცხადების მიხედვით, საარჩევნო უბნებზე დარღვევების შესახებ განცხადებით გენერალურ პროკურატურას ერთიანმა ნაციონალურმა მოძრაობამ 24 დეკემბერს მიმართა.
უწყების განმარტებით, გამოძიება „სისხლის სამართლის კოდექსის“ 164-ე და 164 (ტერცია) მუხლებით მიმდინარებს, რაც საარჩევნო კომისიის წევრის მიერ საარჩევნო დოკუმენტების გაყალბებას და არჩევნებთან დაკავშირებული დოკუმენტების, კერძოდ, ბიულეტენების განზრახ გაყალბებას გულისხმობს.
This post is also available in: English (ინგლისური) Русский (რუსული)
