Placeholder canvas
რესპუბლიკის ამბები

“Fake news”-ები რუსულენოვან მედიაში: ქართველებმა ფოთში სომხები გაჟლიტეს

(„სახალხო საქმე“, N399, დეკემბრის 3, 1918)

პროვოკაციული ცნობები

როგორც გაზ. „ბორბა“ გადმოგვცემს მათ მიუღიათ გაზეთები, რომელშიაც სხვათა შორის შემდეგი ამბებია:

  1. სომეხ-ქართველთა შეტაკება კავკასიაში

ძველმა ზიზღმა ქართველებისამ კვლავ იჩინა თავი არაჩვეულებრივ ძალით. აუარებელი მსხვერპლია ზღვაა სისხლისა.

„კაროლ ალბერტით“ ფოთიდან მოიყვანეს ოდესაში დაჭრილი გერმანელები. იგინი დაჭრილნი არიან შემდეგ პირობებში: ქართველები ფოთში დაეცნენ სომხებს და, როგორც მოსულები გვარწმუნებენ, დაუწყეს ხოცვა. სომეხთა ჟლეტის დროს ამ უკანასკნელებს გერმანელები მიემხრნენ. როდესაც გერმანელი ჯარები წავიდნენ ფოთიდან, ისევ დაიწყო სომეხ-ქართველთა შეტაკება. მსხვერპლი სომხების მხრივ აუარებელია.

  1. ომი სომეხ-ქართველთა შორის.

როსტოვი ნ.დ. ნოემბრის 10 (ჩვ. კორ). ამიერკავკასიიდან მოსულები გადმოგვცემენ, რომ სამხედრო მოქმედებანი სომეხ-ქართველთა შორის იღებენ ფართო ხასიათს. უკანასკნელ დღეების ბრძოლაში სომხებმა გაიმარჯვეს. მათ მიერ დაკავებულია ტფილისის მიდამოები. („ოდესსკია ნოვოსტი“ ნოემბრის 12).

მსგავსი/Related

Back to top button