აჭარის ავტონომიური რესპუბლიკის მთავრობის ყოფილი თავმჯდომარე ზურაბ პატარაძე აზერბაიჯანში საქართველოს ელჩად დაინიშნა. შესაბამისი განკარგულება პრეზიდენტმა უკვე გამოსცა.
„დიპლომატიური სამსახურის შესახებ“ საქართველოს კანონის მე-6 მუხლის მე-5 პუნქტის საფუძველზე, დაინიშნოს ზურაბ პატარაძე აზერბაიჯანის რესპუბლიკაში საქართველოს საგანგებო და სრულუფლებიანი ელჩის თანამდებობაზე“, – ნათქვამია პრეზიდენტის 27 აგვისტოს განკარგულებაში. პატარაძე ელჩის უფლებამოსილების შესრულებას 29 აგვისტოდან შეუდგება.
ზურაბ პატარაძე აჭარის ავტონომიური რესპუბლიკის თავმჯდომარის თანამდებობაზე 2016 წლის ივლისში დაინიშნა და პოსტი 2018 წლის 4 ივლისს დატოვა. თანამდებობიდან წასვლისას, პატარაძემ განმარტა, რომ ის ქართული ოცნების გუნდის წევრად რჩებოდა.
This post is also available in: English (ინგლისური) Русский (რუსული)