ეუთოს საპარლამენტო ასამბლეის 25-ე ყოველწლიური სესია სამშაბათს თბილისში ასამბლეის ახალ პრეზიდენტად ავსტრიელი დეპუტატის კრისტინ მუტონენის არჩევით დასრულდა, რომელმაც მეორე ტურში ნაციონალური მოძრაობის დეპუტატი გიგი წერეთელი დაამარცხა.
წერეთლის კანდიდატურას, რომელსაც ევროპის სახალხო პარტია უჭერდა მხარს, კატეგორიულად ეწინააღმდეგებოდა ქართული ოცნება – დემოკრატიული საქართველო, რომელიც სოციალ–დემოკრატიული პარტიის დეპუტატის კრისტინ მუტონენის კანდიდატურას უჭერდა მხარს.
- უსუფაშვილი ‘პოლიტიკური მაზოხიზმის ნიშნების შემცველს’ უწოდებს ქართული ოცნების პოზიციას ეუთოში გიგი წერეთლის კანდიდატურასთან დაკავშირებით
- პარტია ქართული ოცნება ეუთოს საპარლამენტო ასამბლეის პრეზიდენტად გიგი წერეთლის მხარდაჭერის საწინააღმდეგოდ არჩევნებსაც ასახელებს
- ნაციონალური მოძრაობის დეპუტატი გიგი წერეთელი ეუთოს საპარლამენტო ასამბლეის პრეზიდენტობის ერთ-ერთ პრეტენდენტია
მესამე კანდიდატი იყო ფრანგი დეპუტატი ალენ ნერი. ვერც ერთმა კანდიდატმა ვერ მიიღო ასარჩევად საკმარისი ხმები პირველ ტურში, სადაც მეორე ადგილზე გიგი წერეთელი გავიდა. მეორე ტურში კრისტინ მუტონენმა გაიმარჯვა 86 ხმით, ხოლო წერეთელმა 73 ხმა მიიღო.
