Placeholder canvas
ახალი ამბები

სააპელაციო სასამართლომ ბაჩო ახალაიას გამამართლებელი განაჩენი უცვლელად დატოვა

თბილისის სააპელაციო სასამართლომ ძალაში დატოვა ყოფილი თავდაცვის და შინაგან საქმეთა მინისტრის ბაჩო ახალაიას მიმართ საქალაქო სასამართლოს მიერ გამოტანილი გამამართლებელი განაჩენი შსს-ს განსაკუთრებულ დავალებათა დეპარტამენტის შვიდი თანამშრომლის მიმართ წამების, დამამცირებელი და არაადამიანური მოპყრობის საქმეზე.

ახალაია და დანარჩენი შვიდი ბრალდებული უარყოფდნენ გამოძიების ბრალდებებს, რომლის მიხედვითაც 2012 წლის აგვისტოში ადგილი ჰქონდა შსს-ის სპეცრაზმელების მიმართ დასჯა-წამებას, დამამცირებელ და არაადამიანურ მოპყრობას.

ბაჩო ახალაია 2012 წლის ნოემბრიდან წინასწარ პატიმრობაში იმყოფება; ის ორ საქმეზე გაამართლეს; მესამე, ციხის ბუნტის საქმეზე კი დამნაშავედ იქნა ცნობილი, თუმცა შარშან მაშინდელმა პრეზიდენტმა მიხეილ სააკაშვილმა ის შეიწყალა; სასამართლო პროცესი დამატებით ბრალდებებზე ბაჩო ახალაიას წინააღმდეგ ჯერ კიდევ მიმდინარეობს გირგვლიანის მკვლელობის საქმესთან და მასობრივი გაქცევის მომზადების აღიარების მისაღებად პატიმრების წამების საქმესთან დაკავშირებით.

მსგავსი/Related

Back to top button