„საქსტატის“ მიერ 18 თებერვალს გამოქვეყნებული წინასწარი მონაცემების თანახმად, საქართველოს საგარეო სავაჭრო ბრუნვამ იანვარში 665 მილიონი აშშ დოლარი შეადგინა, რაც წინა წლის მაჩვენებელზე 1%–ით მეტია.
ექსპორტმა 196.3 მილიონი აშშ დოლარი შეადგინა, რაც წინა წლის მაჩვენებელზე 25%–ით მეტია, ხოლო იმპორტმა 468.4 მილიონი აშშ დოლარი, რაც 6.4%–ით ნაკლებია. უარყოფითმა სავაჭრო ბალანსმა 2013 წლის იანვარში 272.1 მილიონი აშშ დოლარი შეადგინა, რაც წინა წლის შესაბამის მაჩვენებლთან შედარებით 20.9%–ით ნაკლებია.
იანვრის საგარეო სავაჭრო ბრუნვის დეტალურ მონაცემებს „საქსტატი“ მომდევნო კვირას გამოაქვეყნებს.