შვედეთის საგარეო საქმეთა მინისტრი კარლ ბილდტი საქართველოს ეწვევა 12–15 ივნისს დაგეგმილ სამხრეთ კავკასიური ტურნეს ფარგლებში.
შვედეთის საგარეო უწყების ცნობით, ტურნეს ფარგლებში კარლ ბილდტი თავის კოლეგებს შეხვდება და რეგიონში არსებულ პოლიტიკურ ვითარებაზე განახლებულ ინფორმაციას მიიღებს.
ბოლოს კარლ ბილდტი საქართველოს მარტის ბოლოს სტუმრობდა, ხოლო მაისში შვედეთში თავად უმასპინძლა ქართველ კოლეგას გრიგოლ ვაშაძეს.