პრეზიდენტმა სააკაშვილმა განაცხადა, რომ ქართველმა სპორტსმენებმა მიიღეს გადაწყვეტილება გამოეთიშონ პეკინში მიმდინარე ოლიმპიურ თამაშებს საქართველოში რუსული სამხედრო აგრესიისადმი პროტესტის ნიშნად.
”ჩვენმა სპორტსმენებმა პეკინში გადაწყვიტეს პროტესტი გამოხატონ, მაგრამ როგორც იცით, ეს აკრძალულია, ოლიმპიური წესებით; თუმცა მათ მაინც გადაწყვიტეს პროტესტის გამოხატვა, რის შედეგადაც ტოვებენ ოლიმპიადას. და როგორც მე ვიცი, ზოგიერთი მათგანი აპირებს რეზერვისტებში წასვლას, როგორც კი უკან დაბრუნდებიან ”.