სოხუმში 20 ივნისს აფხაზეთის უშიშროების სამსახურის ორი თანამშრომელი დაიჭრა მას შემდეგ, რაც მათ მანქანას ნიღბიანი შეიარაღებული ადამიანები დაესხნენ თავს, იტყობინება ”აფსნიპრესი”.
აფხაზეთის უშიშროების სამინისტროს ერთ-ერთი დეპარტამენტის ხელმძღვანელი ედუარდ ემინ-ზადე და მისი მძღოლი მაშინ დაიჭრნენ, როდესაც უცნობმა თავდამსხმელებმა მათ მანქანას ცეცხლი გაუხსნეს რკინიგზის სადგურის მახლობლად.