საქართველოს ბანკის საინვესტიციო ჯგუფმა Galt&Taggart Capital-მა ტურისტული კომპანია N-ტურის და სასტუმროების, რესტორნებისა და კაფეების მენეჯმენტის კომპანიის M-ჯგუფის აქციები შეიძინა. გარიგების თანხა არ დასახელებულა.
Galt&Taggart Capital-მა N-ტურის აქციების 30% შეიძინა. ეს კომპანია ჩარტერულ ფრენებს ახორციელებს თურქეთსა და ეგვიპტეში. წლის დასაწყისში N-ტურმა 70%-იანი წილით აზერბაიჯანში ფილიალი გახსნა და ასევე დააფუძნა ფილიალი საქართველოში, რომელიც შიდა ტურიზმზე ახდენს ფოკუსირებას.
მიმდინარე კვირას Galt&Taggart Capital-მა ასევე შეიძინა 50% წილი M-ჯგუფიში – ეს კომპანია თბილისში და ბათუმში 11 რესტორნის და კაფეს მენეჯმენტს ახორციელებს, ასევე ორ სასტუმროს ფლობს ბაკურიანში და მცირე ზომის სასტუმროს თელავში.
მაისში Galt&Taggart Capital-მა ასევე Caucasus Automotive Retail (CAR) აქციების 30% შეიძინა. ეს კომპანია Ssang Yong SUV-ს უფლებამოსილი დილერია საქართველოსა და სომხეთში, ასევე ავტომობილების – Daihatsu და Subaru-ს გაყიდვების აგენტია საქართველოში.