სამხრეთ ოსეთის დე ფაქტო პრეზიდენტი ედუარდ კოკოითი შერეული საკონტროლო კომისიის (შსკ) ოსური მხარის წარმომადგენლებს შეხვდა და მოლაპარაკებების პროცესთან დაკავშირებული პრობლემები და ამ პროცესში შსკ-ს როლი განიხილა.
”ხარვეზები შსკ-ს საქმიანობაში, უდაოდ, არსებობს, მაგრამ მთლიანობაში სტრატეგიული ხაზი შენარჩუნებულია… ნათელია, რომ ჩვენთან მიმართებაში მცდელობა არის ორმაგი სტანდარტების გამოყენების და ამ პირობებში მოლაპარაკებების პროცესი რთულდება”, – იუწყება ბეჭდვისა და ინფორმაციის კომიტეტი 17 აპრილს დე ფაქტო პრეზიდენტის სიტყვებზე დაყრდნობით.
შსკ-ს ოსური მხარის თანათავმჯდომარემ ბორის ჩოჩიევმა შეხვედრაზე აღნიშნა, რომ უახლოეს ხანებში შსკ-ს ფარგლებში კონსულტაციები იგეგმება.
მიუხედავად იმისა, რომ თბილისი შსკ-ს ფორმატს არაეფექტურს უწოდებს, მაინც მონაწილეობს კომისიის ფარგლებში გამართულ ღონისძიებებში.
-
-
-
-
This post is also available in: English (ინგლისური) Русский (რუსული)