დღეს პრემიერ-მინისტრი ზურაბ ნოღაიდელი სამუშაო ვიზიტით გერმანიის ფედერაციულ რესპუბლიკაში გაემგზავრა, სადაც დაგეგმილია ორმხრივი შეხვედრები გერმანიის საგარეო საქმეთა და შინაგან საქმეთა მინისტრებთან, ასევე უშიშროების საბჭოს მდივანთან.
პრემიერ-მინისტრის პრესსამსახურის ინფორმაციით, გერმანიაში ვიზიტის ფარგლებში ზურაბ ნოღაიდელი სიტყვით გამოვა გლობალური უსაფრთხოების საკითხებისადმი მიძღვნილ საერთაშორისო კონფრენციაზე – “21-ე საუკუნეში მშვიდობისა და უსაფრთხოებისათვის”.
კონფერენციაში მონაწილეობას მიიღებენ ევროპის, აშშ-ის
და ასევე საერთაშორისო ორგანიზაციების მაღალი დონის წარმომადგენლები.
გერმანიაში ვიზიტი 20 მაისს დასრულდება, საიდანაც პრემიერ-მინისტრი სამუშაო ვიზიტით ლონდონში გაემგზავრება.