აფხაზეთის თვითგამოცხადებულ რესპუბლიკაში 21-24 მარტს 4000 სამხედროს და ორი მოტომსროლელი ბრიგადის მონაწილეობით სამხედრო წვრთნები იმართება, იტყობინებიან რუსული და აფხაზური საინფორმაციო სააგენტოები.
აფხაზეთის დე ფაქტო თავდაცვის სამინისტროს გენერალური შტაბის უფროსის ანატოლი ზაიცევის განცხადებით, წვრთნების ერთ-ერთი სცენარი მტრის თავდასხმის მოგერიებას ითვალისწინებს.