სამხრეთ ოსეთის დე ფაქტო საგანგებო საქმეთა მინისტრმა ბორის ჩოჩიევმა განაცხადა, რომ რუსეთის საგარეო საქმეთა სამინისტროს სპეციალური წარმომადგენელი ვალერი კენიაიკინი საქართველოში 8 დეკემბერს ჩამოვა, რათა მონაწილეობა მიიღოს შერეული საკონტროლო კომიისიის სხდომაში, რომელიც ცხინვალში გაიმართება, იტყობინება თვითგამოცხადებული სამხრეთ ოსეთის პრესისა და ინფორმაციის კომიტეტი.
“ბოლო დროს სიტუაცია გამწვავდა კონფლიქტის ზონაში, რამაც საჭირო გახადა შსკ-ს საგანგებო სხდომის მოწვევა“, – განაცხადა ჩოჩიევმა.
5 დეკემბერს რუსეთის საგარეო საქმეთა სამინისტრომ თბილისი კონფლიქტის ზონაში დაძაბულობის ესკალაციაში დაადანაშაულა და მხარეებს შსკ-ს შეხვედრის ჩატარებისკენ მოუწოდა.
მსგავსი/Related
-
-
-
-
This post is also available in: English (ინგლისური) Русский (რუსული)