საქართველოს პრეზიდენტი მიხეილ სააკაშვილი მოლდოვაში ორდღიანი ვიზიტის შემდეგ დღეს ოფიციუალური ვიზიტით იტალიაში გაემგზავრა, სადაც იტალიის რესპუბლიკის პრეზიდნეტს კარლო აძელიო ჩამპის შეხვდება.
პრეზიდენტი ასევე შეხვდება იტალიის პრემიერ-მინისტრს სილვიო ბერლუსკონის, სენატის თავმჯდომარეს მარჩელო პერას და დეპუტატთა პალატის თავმჯდომარეს პიერფერდინანდო კაზინის.
მიხეილ სააკაშვილი იტალიაში დაესწრება ბიზნეს-ფორუმს „ინვესტირება საქართველოში“, რომლის ორგანიზატორი საქართველოს ეკონომიკური განვითარების სამინისტროა. პრეზიდნეტის სიტყვით გამოსვლის შემდეგ საქართველოსა და იტალიის რესპუბლიკის სავაჭრო-სამრეწველო პალატებს შორის თანამშრომლობის შესახებ ხელშეკრულება გაფორმდება.
მიხეილ სააკაშვილი მთავრობის წევრებთან ერთად საქართველოში 7 მარტს დაბრუნდება.