საქართველოს სახელმწიფო მინისტრმა კონფლიქტების მოგვარების საკითხებში გოგა ხაინდრავამ პროტესტი გამოთქვა 12 იანვრის აფხაზეთის საპრეზიდენტო არჩევნებზე რუსეთის მიერ დამკვირვებელთა გაგზავნის გამო.
რუს დეპუტატთა დელეგაციას, რომლებიც თვითგამოცხადებულ აფხაზეთში არჩევნებს დააკვირდებიან, პარლამენტის ვიცე-სპიკერი სერგეი ბაბურინი ხელმძღვანელობს.
“რუსეთი ერთადერთი ქვეყანაა, რომელმაც ოფიციალურად გააგზავნა დამკვირვებლები აფხაზეთის საპრეზიდენტო არჩევნებზე“, განუცხადა გოგა ხაინდრავამ ჟურნალისტებს 10 იანვარს.